Londonun ICE birjasında 2026-cı ilin iyulunda tədarük edilməli olan “Brent” markalı neftin fyuçers qiyməti 2 faizdən çox ucuzlaşıb.
Publika.az xəbər verir ki, bu barədə ticarət əməliyyatlarının məlumatlarında bildirilir.
Bakı vaxtı ilə saat 02:00 radələrində “Brent” markalı neftin qiyməti 2,42 faiz azalaraq bir barel üçün 105,55 dollara düşüb. Saat 02:10 radələrində isə azalma yavaşlayıb və kotirovkalar 106,58 dollar səviyyəsində qərarlaşıb.
Eyni zamanda, 2026-cı ilin iyununda tədarük edilməli olan WTI markalı neftin fyuçers qiyməti 1,77 faiz ucuzlaşaraq bir barel üçün 100,14 dollara enib.
