Tehran ABŞ-ın Hörmüz boğazında gəmiçiliklə bağlı hər hansı müdaxiləsini atəşkəsin pozulması kimi qiymətləndirəcək.
Musavat.com xəbər verir ki, bu xəbərdarlıqla İran parlamentinin Milli Təhlükəsizlik Komitəsinin (Məclis) rəhbəri İbrahim Əzizi X hesabında çıxış edib: "ABŞ-ın Hörmüz boğazının yeni rejiminə hər hansı müdaxiləsi atəşkəsin pozulması hesab ediləcək. Hörmüz boğazı və Fars körfəzi Trampın xəyali açıqlamaları ilə idarə olunmayacaq!"
Bundan əvvəl Tramp Hörmüzdə qalan gəmilərin çıxarılması üçün ABŞ tərəfindən “Azadlıq Missiyası” adlı əməliyyatın başlanacağını elan edib.
Musavat.com
