“Mercedes” komandasının rəhbəri Toto Volf komandanın 19 yaşlı pilotu, italiyalı Andrea Kimi Antonellinin Formula 1-də gələcəyi ilə bağlı fikirlərini bölüşüb.
90deqiqe.Az xəbər verir ki, "La Gazzetta dello Sport" funksionerin dediklərini belə çatdırıb.
“Antonelli Formula 1-də uzun illər çıxış edəcək. Yaxın 10–15 ildə Kimi bir çox çempionat qazana bilər”.
O, həmçinin gənc sürücüyə olan gözləntilərin təzyiq yaratmamasının vacibliyini vurğulayıb: “Biz onun üzərinə qoyulan böyük gözləntilər səbəbindən səhv etməsini istəmirik. Əgər o hansısa yarışda zəif çıxış etsə, insanlar deyəcək ki, bəlkə də düşündüyümüz qədər böyük ulduz deyil. Biz düzgün yolla irəliləməliyik və başa düşməliyik ki, bu yaşda enişlər və yüksəlişlər normaldır”.
