ABŞ-ın texnologiya nəhəngi Apple cihazları üçün əsas prosessorların istehsalı ilə bağlı Intel və Samsung Electronics ilə ilkin danışıqlar aparıb. Bu barədə Bloomberg məlumat yayıb.
QHT.az xarici mediaya istinadən bildirir ki, Apple rəhbərliyi Texas ştatında tikilməkdə olan Samsung zavoduna səfər edib və paralel olaraq Intel ilə də çip istehsalı xidmətlərindən istifadə imkanlarını müzakirə edib.
Məlumata görə, bu addım Apple-a uzunmüddətli tərəfdaşı olan Taiwan Semiconductor Manufacturing Company-dən əlavə alternativ qazandıra bilər. Lakin şirkət TSMC-dən kənar texnologiyalardan istifadə ilə bağlı etibarlılıq və istehsal miqyası məsələlərinə görə narahatdır.
Qeyd olunur ki, Reuters bu məlumatı dərhal təsdiqləyə bilməyib. Apple və Samsung şərh sorğularına cavab verməyib, Intel isə şərh verməkdən imtina edib.
