futbolpress-az saytına istinadən ain.az xəbər verir.
AFFA ilə FIFA arasında imzalanmış lisenziya müqaviləsi çərçivəsində 16 yaşadək qızlardan ibarət Azərbaycan milli komandasının Bakıda təşkil olunacaq UEFA İnkişaf Turnirindəki oyunları FIFA+ TV tərəfindən canlı yayımlanacaq.
Futbolpress.az xəbər verir ki, mayın 6-da Azərbaycan – Litva (17:00), 8-də Azərbaycan – Rumıniya (17:00) və 11-də keçiriləcək Azərbaycan – Gürcüstan (12:00) görüşləri platformada göstəriləcək.
Qeyd edək ki, saziş lisenziya müddəti ərzində – 2028-ci il sentyabrın 1-dək AFFA-nın bayrağı altında təşkil edilən yarışlardan seçilmiş matçları və video məzmunu (materialı) əhatə edir. Bu proqrama Azərbaycanın qadınlardan ibarət milli komandasının yoldaşlıq oyunları və Millətlər Liqasının seçmə görüşləri, AFFA-nın bayrağı altında keçirilən aşağı yaş qrupları üzrə liqalar, Yüksək Qızlar Liqası, həmçinin sənədli filmlər və tələb üzrə video məzmun daxildir.
Sonrakı hadisələr barədə daha çox məlumat almaq üçün ain.az saytını izləyin.
