"Kartof yetişdirilməsi barədə düşünsün" - Simonyandan Lukaşenkoya

"Bizi tənqid edən ölkənin lideri öz ölkəsinin daxili sabitliyi, söz azadlığı, siyasi müstəqillik və kartof yetişdirilməsi prosesi barədə düşünməlidir".

"Unikal" xəbər verir ki, bunu Ermənistan parlamentinin spikeri Alen Simonyan Belarus Prezidenti Aleksandr Lukaşenkoya istinadən deyib. 

Qeyd edək ki, dünən Ermənistanın müvəqqəti işlər vəkili Belarus Xarici İşlər Nazirliyinə çağırılıb. Ona Alen Simonyanın Ermənistanın bir vilayətə çevrilməməli və Belarus kimi idarə olunmamalı olduğu barədə verdiyi açıqlama ilə bağlı etiraz notası təqdim edilib.

Ağarza Elçinoğlu