Rusiyanın Hava Hücumundan Müdafiə (HHM) sistemlərini Moskva ətrafında cəmləşdirməsi Ukrayna üçün yeni zərbə imkanları yaradır.
APA xəbər verir ki, bunu Ukrayna Prezidenti Volodimir Zelenski “Telegram” kanalında Baş Kəşfiyyat İdarəsinin rəhbəri Oleq İvaşenkonun məruzəsinin nəticələrinə əsasən bildirib.
O qeyd edib ki, Rusiya rəhbərliyi paytaxtdakı hərbi paradın təhlükəsizliyinə ölkənin digər regionlarından daha çox önəm verir.
“Bu göstərir ki, Rusiya rəhbərliyi dəfələrlə bəyan edilən atəşkəsə hazırlaşmır və bütün ölkədən daha çox Moskvadakı parada görə narahatdır”, - Ukrayna lideri vurğulayıb.
Zelenski əlavə edib ki, HHM sistemlərinin paytaxt ətrafında toplanması digər bölgələrin hava hücumundan müdafiəsini zəiflədir:
“Bu, bizim “uzaqmənzilli sanksiyalarımız” üçün əlavə imkanlar açır. Müvafiq prioritetlərimiz müəyyən ediləcək”.
