Albaniyada Superliqanın 35-ci turun oyunları keçirilir.
QOL.az xəbər verir ki, bu turda azərbaycanlı futbolçuların komandaları üz-üzə gəlib.
Vüsal İsgəndərlinin çıxış etdiyi "Partizani" (Tirana) səfərdə Zamiq Əliyevin formasını geyindiyi "Eqnatiya" ilə qarşılaşıb. Görüş meydan sahiblərinin 2:0 hesablı qələbəsi ilə başa çatıb.
Hər iki azərbaycanlı futbolçu start heyətdə meydana çıxıb. Vüsal fasilədə əvəzlənib. 90 dəqiqə meydanda olan Zamiq isə 17-ci dəqiqədə komandasının ilk qolunu vurub. "Eqnatiya"da digər qolu isə 56-cı dəqiqədə Somayla Bakayako rəqib qapısından keçirib.
Qeyd edək ki, “Eqnatiya” 35 turdan sonra 57 xalla 3-cü, “Partizani” isə 45 xalla 5-ci pillədə qərarlaşıb.
