Rusiya bir sıra hərbi texnologiyalarda irəliləməyi və müasir müharibədə yeni həllərin praktik tətbiqində ABŞ-ı geridə qoymağı bacarıb.
Herbiand.az bildirir ki, bu barədə Fransanın Agora Vox portalı yazıb.
Qeyd edilib ki, Rusiyanın müdafiə sənayesi dronların, süni intellekt və avtonom silah sistemlərinin inkişafını kəskin şəkildə sürətləndirib. Bundan əlavə, Ukraynadakı münaqişə Rusiyanın hərbi innovasiyaya yanaşmasının yenidən dərin qurulması üçün bir mərhələyə çevrilib.
Məqalədə vurğulanır ki, Moskva real döyüş şəraitində tez bir zamanda təkmilləşdirilə, tətbiq oluna və sınaqdan keçirilə bilən texnologiyalara üstünlük verir: "Rusiya hərbi texnologiyada ABŞ-ı xeyli geridə qoyub. Rusiyanın müdafiə sənayesi daim öz avadanlıqlarını təkmilləşdirir, ən effektiv innovasiyaları seçir. Amerika qoşunları bu kontekstdə ümidsiz dərəcədə köhnəlmiş görünür".
Portal qeyd edib ki, əsas sahələrdən biri pilotsuz aviasiya olub: “Rusiya hökumətinin proqnozlarına görə, 2030-cu ilə qədər PUA sənayesində bir milyona qədər mütəxəssis işlə təmin oluna bilər. Üstəlik bu, yalnız dron istehsalı ilə məhdudlaşmır. Rusiya həmçinin sınaq meydançaları, operator təlim mərkəzləri və pilotsuz sistemlərin idarə olunması üçün infrastruktur qurur”.
Bəxtiyar CƏFƏRLİ
