Kremldə Rusiya Prezidenti Vladimir Putinin Chinaya səfərinə hazırlıq işlərinin aktiv şəkildə davam etdiyi bildirilib.
Redaktor.az xəbər verir ki, bu barədə Rusiya prezidentinin köməkçisi Yuri Uşakov açıqlama verib.
O qeyd edib ki, səfərlə bağlı ciddi hazırlıq işləri aparılır və Çin tərəfi ilə gündəlik təmaslar davam etdirilir. Uşakov səfərin dəqiq tarixini açıqlamayıb.
Qeyd edək ki, Kremlin sözçüsü Dmitri Peskov daha əvvəl Putinin Çinə səfərinin planlaşdırıldığını təsdiqləmişdi. Onun sözlərinə görə, səfər çərçivəsində Rusiya liderinin Çin Xalq Respublikasının sədri Si Cinpin ilə görüşü nəzərdə tutulur.
Xatırladaq ki, Si Cinpin aprelin 15-də Rusiyanın xarici işlər naziri Sergey Lavrov ilə görüşü zamanı Vladimir Putinə salamlarını çatdırmışdı.
