Rəhim Həsənov 10 mübahisəli epizodu şərh etdi – Video

AFFA Hakimlər Komitəsinin sədri Rəhim Həsənov Azərbaycan Premyer Liqasının 30-cu turundakı mübahisəli epizodlara şərh verib.

Arena.az xəbər verir ki, komitə sədri ənənəyə uyğun olaraq, 30-cu turun oyunlarında qeydə alınmış mübahisəli epizodlarla da bağlı fikirlərini bildirib.

Rəhim Həsənov bütövlükdə 4 oyunda qeydə alınmış 10 mübahisəli epizoda şərh verib. Ən çox (4) “Kəpəz” – “Sumqayıt” oyununda mübahisəli epizod qeydə alınıb. “Şamaxı” – “Sabah” görüşündə 3, “Karvan” – “Neftçi” matçında 2 belə epizod var. “Zirə” – “Qəbələ” oyununda da hakimin bir qərarı mübahisə doğurub. Lakin Hakimlər Komitəsinin sədri bütün epizodlarda ədalət təmsilçilərinin doğru qərarlar verdiyini bəyan edib.

Maraqlıdır ki, 10 mübahisəli epizoddan 8-i əllə oyuna görədir.

Qalan iki oyunda isə hakimlərin mübahisəli qərarları olmayıb.

AFFA Hakimlər Komitəsinin sədrinin Premyer Liqanın son oyunlarındakı mübahisəli epizodları təhlil etdiyi həmin videonu təqdim edirik: