Yazını böyüt
Yazını kiçilt
1993-cü ildə doğma yurdumuzu tərk etməyə məcbur qalmışdıq. İndi isə 33 ildən sonra yenidən Ağdama qayıtmağın sevincini yaşayırıq.
Hafta.az xəbər verir ki, bu sözləri açıqlamasında keçmiş məcburi köçkün Namiq Cabbarov deyib:
“Şükürlər olsun ki, bu günü gördük. Doğma Ağdamımıza qayıdırıq. Allah Ali Baş Komandan İlham Əliyevə cansağlığı versin. Şəhidlərimizə rəhmət, qazilərimizə isə şəfa diləyirəm”.
O vurğulayıb ki, Ağdamdan gənc yaşlarında köçkün düşüb, bu gün isə övladları ilə birlikdə doğma torpağına qayıdır:
“Uzun illər həsrətində olduğumuz torpaqlara indi ailəmlə birlikdə dönürəm. Bu, çox böyük xoşbəxtlikdir”.
