Ağdam, 10 may, AZƏRTAC
Ağdam rayonunda ölümlə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, qəza Ağdam-Xankəndi yolunun Ağdam rayonunun Çuxurməhlə kəndi ərazisindən keçən hissəsində qeydə alınıb. “KIA” və “VAZ-2106” markalı minik avtomobillərinin toqquşması nəticəsində ilkin məlumata görə, 3 nəfər həyatını itirib, 4 nəfər isə müxtəlif dərəcəli bədən xəsarətləri alıb.
Yaralılar xəstəxanaya yerləşdirilib.
Faktla bağlı araşdırma aparılır.
Müxbir – Tahir Ağaməmmədov
