Panamada arxeoloqlar min il əvvəl yoxa çıxmış sirli bir sivilizasiyaya məxsus unikal qızıl məzar aşkar ediblər. Panama Mədəniyyət Nazirliyi bu barədə rəsmi Facebook səhifəsində məlumat verib.
Məzarda inanılmaz sayda qızıl əsərlə əhatə olunmuş insan qalıqları var. Tədqiqatçılar vurğulayırlar ki, bu xalq haqqında heç bir yazılı qeyd qalmayıb, ona görə də onların tarixi sözün əsl mənasında hissə-hissə birləşdirilməlidir.
Məzar heyrətamiz dəqiqliklə düzülmüş qızıl bəzəklərlə doludur. Tədqiqatçılar qeyd edirlər ki, baş və sinədəki zərgərlik əşyalarının yerləşdirilməsindən tutmuş metal üzərindəki simvolizmə qədər hər bir detal dəfn olunmuş şəxsin yüksək statusunu və mürəkkəb ritual davranışını göstərir.
İlkin ehtimala görə bu məzarlığı yaradan insanların Gran Cocle mədəniyyətinə mənsub olduqlarına inanırlar.
Onlar müasir Panama ərazisində yaşayıblar, lakin heç bir ad və ya qeydə alınmış söz qoymayıblar.
Mütəxəssislər hazırda aşkar edilmiş əşyaların simvolizmini anlamağa çalışırlar, bəziləri heyvanlara bənzəyir, digərləri isə mücərrəddir.
Bizim.Media
