Ötən gün Lökbatanda baş verən yanğın söndürülüb.
Senzor.az bildirir ki, bu barədə Fövqəladə Hallar Nazirliyi məlumat yayıb.
Qeyd olunub ki, Qaradağ rayonu, Lökbatan qəsəbəsində yerləşən anbarda baş vermiş yanğın nəticəsində bir-birinə bitişik ümumi sahəsi 46 000 kvadratmetr olan müxtəlif təyinatlı malların saxlanıldığı anbar 21 000 kvadratmetr sahədə yanıb.
Anbarın qalan hissəsi yanğından mühafizə olunub.
Qeyd edək ki, mayın 12-si səhər saatlarında Lökbatan qəsəbəsində yerləşən anbarda güclü yanğın baş vermiş və alovun söndürülməsi üçün FHN-in 182 nəfər şəxsi heyəti, 40 xüsusi təyinatlı texnikası və 2 helikopteri cəlb olunmuşdu.
