Planlaşdırılmış dəniz missiyasının bir hissəsi olaraq, Baltik donanmasının ən yeni kiçik raket gəmisi olan "Burya"nın heyəti dəniz hədəfinə artilleriya atəşi açıb və simulyasiya edilmiş düşmənin pilotsuz qayıqlarının hücumlarını dəf edib.
Herbiand.az bu barədə Rusiya Müdafiə Nazirliyinin mətbuat xidmətinə istinadən bildirir.
Məlumata görə, hədəfə 100 mm və 30 mm artilleriya qurğularından atəş açılıb. Həmçinin, gəminin artilleriya və ağır pulemyotlarından atəş açaraq pilotsuz gəmilərə qarşı əks-hücum təlimi keçirilib. Pilotsuz qayıqların maketləri hədəf kimi istifadə edilib.
"Dənizdə kiçik raket gəmisinin heyəti gəminin hidroakustik sistemləri tərəfindən aşkar edilən üzən minanı məhv edib", - Müdafiə Nazirliyi əlavə edib.
Bundan əlavə, "Burya" raket gəmisinin heyəti gəmidə hərəkət zamanı zərərin qarşısının alınması, qorunmayan yol kənarında lövbər salarkən təxribata qarşı müdafiə və hücum dronlarını dəf etməyi əhatə edən təlimlər və məşqlər keçiriblər. Eyni zamanda, hərəkət zamanı yanğının söndürülməsi və avadanlıqların nasazlıqlarının aradan qaldırılması üzrə məşqlər də həyata keçirilib.
Bəxtiyar CƏFƏRLİ
