Bizi Telegram-da da izləyə bilərsiniz: @xqazeti
Azərbaycan Mərkəzi Bankı (AMB) "E-Kredit" MMC bank olmayan kredit təşkilatının (BOKT) lisenziyasını ləğv edib.
XQ bu barədə AMB-yə istinadən xəbər verir.
Məlumata görə, qurum mövcud qanunvericilik, eləcə də "2024-2026-cı illərdə maliyyə sektorunun inkişafı Strategiyası"nda müəyyən edilmiş strateji hədəflər çərçivəsində bank olmayan kredit təşkilatlarına nəzarətlə bağlı zəruri tədbirlərini davam etdirir.
"Bank olmayan kredit təşkilatları haqqında" qanunun 25.1.1-ci maddəsinə müvafiq olaraq, "E-Kredit"in təqdim etdiyi ərizədən irəli gələrək AMB-nin İdarə Heyətinin 13 may 2026-cı il tarixli qərarı ilə BOKT-a verilmiş 24 iyul 2024-cü il tarixli lisenziya təşkilatın könüllü müraciəti əsasında ləğv olunub.
Qanunun 25.4-cü maddəsinə əsasən, BOKT, lisenziyasının ləğv edilməsi haqqında qərarın qüvvəyə mindiyi gündən fəaliyyətini dayandırır və Mülki Məcəllədə müəyyən olunmuş qaydada ləğv edilir.
