Bolqarıstanın Samokov şəhərində güləş üzrə U-17 Avropa çempionatı davam edir.
QOL.az xəbər verir ki, bu gün Azərbaycanın 6 qadın güləşçisi xalça üzərinə çıxıb.
Xədicə Qurbanzadə finalda ukranalı Olena Kolubaya 0:10 hesabıyla məğlub olub və U17 Avropa çempionatında gümüş medal qazanıb.
Nuray Cəfərli makedoniyalı Frosina Atanasovaya "tuş"la, macarıstanlı Vivyen Sentpala isə 7:3 hesabıyla qalib gələrək yarımfinala yüksəlib. O, yarımfinalda polşalı Yuliya Palkaya 0:3 hesabıyla məğlub olub və sabah bürünc medal uğrunda güləşəcək.
Fatimə Bayramova türkiyəli Ecrin Salikə "tuş"la, ukraynalı Kamilla Pihora isə 6:3 hesabıyla qalib gələrək 1/2 finala adlayıb. Fatimə yarımfinalda macarıstanlı Mariya Jitovoza 0:10 hesabıyla məğlub olub və sabah bürünc medal uğrunda güləşəcək.
Gülxanım Şirinova 1/4 finalda rusiyalı Zlata Koreşovaya 3:12 hesabıyla məğlub olub.
Fidan Babayeva 1/8 finalda isveçrəli İnez Airaksinenə "tuş"la məğlub olub.
Simurə Abdullayeva bolqarıstanlı Nataliya Tasevaya "tuş"la qalib gəlsə də, 1/4 finalda türkiyəli Kıymet Tezcana 6:17 hesabıyla uduzub.
