Müğənni Roza Zərgərlinin Qazaxıstan şəhərlərini əhatə edən konsert turu payızadək təxirə salınıb.
Moderator.az xəbər verir ki, bu barədə müğənni özü sosial şəbəkə hesabında paylaşıb.
Əvvəlcə qazaxıstanlı pərəstişkarları ilə görüş üçün bahar fəslini seçən sənətçinin turu, plan üzrə məhz bu gün, 15 mayda Astanada başlamalı idi. Lakin müğənni dəyişikliklərlə bağlı izləyicilərinə müraciət edib:
"Son ana qədər gözlədik ki, bəlkə nəsə dəyişər və biz Qazaxıstan turunu ləğv etməli olmarıq. Amma mən və təşkilatçılar nə qədər çalışsaq da, 15-25 may tarixləri üçün nəzərdə tutulan planı reallaşdıra bilmədik. Təşkilatçıların vəziyyətini anlayışla qarşıladım, orada kiçik bir bədbəxt hadisə baş verib".
Müğənninin sözlərinə görə, hazırlıq prosesi sürətlə davam edirdi; möhtəşəm kostyumlar və hətta qazax dilində mahnı belə hazır idi. Sənətçi qeyd edib ki, may ayı üçün alınan biletlər sentyabrda keçiriləcək konsertlərdə etibarlı sayılacaq. /Lent.az/
