ain.az bildirir, Unikal.az portalına istinadən.
"Arzum 9999" ləqəbli bloger İlduzə Hacıyeva Elmar qızının cinayət işi üzrə məhkəmə prosesi başlayıb.
"Unikal"ın əldə etdiyi məlumata görə, İlduzə Hacıyeva yol qəzasında bir nəfərin ölümü və 1 nəfərin isə xəsarət almasında təqsirləndirilir.
Blogerin Cinayət Məcəlləsinin 263.2-ci (yol hərəkəti və ya nəqliyyat vasitəsinin istismarı qaydalarının pozulması - ölümlə nəticələndikdə) və 264-cü (Yol nəqliyyat hadisəsi yerindən qaçma) maddələri təqsirləndirilməsinə dair cinayət işi bu ilin martın 18-də Bakı şəhəri Xəzər Rayon Məhkəməsinə daxil olub.
Arzum ləqəbli İlduzə Hacıyevanın bu maddələrlə təqsirləndirilməsinə dair cinayət işi aprelin 9-da məhkəmə baxışına təyin edilib.
Məhkəmənin növbəti iclası mayın 26-na təyin edilib.
Qeyd edək, hadisə 2025-ci ilin iyununda paytaxtın Xəzər rayonu, Mərdəkan qəsəbəsində qeydə alınıb. Qəza nəticəsində qarşı tərəfdən 1 nəfər ölüb, digəri isə ağır xəsarət alıb.
Xatırladaq ki, istintaq zamanı bloger Arzum barəsində həbslə bağlı olmayan qətimkan tədbiri seçilib.
Orxan Rasifoğlu
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
