Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində nazirlərin görüşünün yekunları BMT Baş Assambleyasında Yeni Şəhər Gündəliyinin icrasına dair keçiriləcək aralıq qiymətləndirməyə təqdim olunacaq.
Aznews.azxəbər verir ki, bunu çıxışında Dövlət Şəhərsalma və Arxitektura Komitəsinin sədri, WUF13 üzrə Milli Koordinator Anar Quliyev bildirib.
Onun sözlərinə görə, bugünkü toplantı nazirlərə əldə olunan irəliləyişi qiymətləndirmək, qabaqcıl təcrübələri bölüşmək və Yeni Şəhər Gündəliyinin 2036-cı ilədək icrası üçün prioritetləri müəyyənləşdirmək imkanı yaradır.
