“Real Madrid”in prezidenti Florentino Peres ispan hakimlərin işi ilə bağlı mübahisəli açıqlamalarına görə cəzalandırılacaq.
Publika.az xəbər verir ki, “Mundo Deportivo”nun məlumatına görə, “kral klubu”nun rəhbərinə qarşı İspaniya Hakimlər Assosiasiyası tərəfindən Kral İspaniya Futbol Federasiyasının intizam komitəsinə şikayət göndərilib.
Bu yaxınlarda keçirilən mətbuat konfransında Peres hakimlikdən bəhs edərkən “korrupsiya” və “soyğunçuluq” kimi ifadələrdən istifadə edib. Təşkilat hesab edir ki, bu cür ifadələr hakimlərin dürüstlüyünə və qərəzsizliyinə şübhə yaradır. Mənbənin məlumatına görə, “Real Madrid”in baş məşqçisi üçün ən çox ehtimal olunan cəza 3000 avroya qədər cərimə olacaq. İntizam qaydaları həmçinin bir aydan iki ilə qədər diskvalifikasiyanı nəzərdə tutur, lakin bu ssenarinin baş verməsi ehtimalı azdır.
