Azertag saytına istinadən ain.az xəbər verir.
Bakı, 18 may, AZƏRTAC
Azərbaycan “ağıllı şəhər”lər və proqramların təşviqi istiqamətində uğurlu layihələr icra edir. Bu isə gələcəyin şəhərlərinin formalaşmasına dəstəkdir. Azərbaycan hökumətinin bu istiqamətdə gördüyü işlər təqdirəlayiqdir.
Bu sözləri AZƏRTAC-a açıqlaması zamanı Birləşmiş Millətlər Təşkilatının (BMT) Ümumdünya Şəhərsalma Forumunun 13-cü Sessiyasında (WUF13) iştirak edən BMT-nin Məskunlaşma Proqramının (UN-Habitat) nümayəndəsi Viklif Tonqva deyib.
“Biz nəqliyyat sistemini təkmilləşdirmək, şəhərlərimizin genişlənməsini təmin etmək, şəhərlərdə gənclərin mənzillə təmin olunmasını, uşaqlar üçün əyləncə məkanlarının olmasını istəyirik. Mən Azərbaycan hökumətinin dayanıqlı şəhərlərinin formalaşması istiqamətində atdığı bu səyləri, xüsusilə də innovativ yanaşma sərgiləyərək “ağıllı həll yollarını” tətbiq etməsini yüksək qiymətləndirirəm”,- deyə o bildirib.
Müxbir: Vüsalə Səfərova, Nailə Həsənova
Operator: Şövqi Əzizov
Foto: Nicat Haşimov
Hadisənin gedişatını izləmək üçün ain.az saytında ən son yeniliklərə baxın.
