Sabahinfo.az xəbər verir ki, layihə çərçivəsində BMT-nin Ümumdünya Şəhərsalma Forumunun On Üçüncü sessiyasının Bakıda təşkilinə, həmçinin yapon ekoloji və şəhərsalma mədəniyyətinin Azərbaycanda təbliğinə dair ictimai müsahibələr təşkil olunub. Müsahibələrdə Bakı sakinləri, Azərbaycan Dillər, Bakı Dövlət və Azərbaycan Dövlət Pedaqoji universitetlərinin tələbələri, eləcə də QHT nümayəndələri iştirak ediblər. Müsahiblərdən Ümumdünya Şəhərsalma Forumu, ölkəmizdə müasir şəhərsalma məsələləri, həmçinin ekoloji mədəniyyətin yüksəldilməsi, bu sahədə düzgün davranış qaydaları, beynəlxalq təcrübənin tətbiqi barədə fikirlər öyrənilib.

Qeyd edək ki, 3 ay ərzində həyata keçiriləcək layihə çərçivəsində həmçinin BMT-nin Ümumdünya Şəhərsalma Forumunun On Üçüncü sessiyasının Bakıda təşkilinə, həmçinin yapon ekoloji və şəhərsalma mədəniyyətinin Azərbaycanda təbliğinə dair araşdırma və müsahibə janrında yazıların yazılması və mediada işıqlandırılması, bir sıra Bakı məktəblərində ekoloji dərslərin keçirilməsi planlaşdırılır. Bununla yanaşı, sosial mediada bu mövzuda materialların mütəmadi yayılması, ölkədə ekoloji mədəniyyətin yüksəldilməsinin təşviqi nəzərdə tutulur.