“Qarabağ” növbəti transferini gerçəkləşdirib.
Sportinfo.az kluba istinadən xəbər verir ki, fransalı vinger Jali Muaddiblə 3 illik müqavilə imzalanıb.
25 yaşlı futbolçu 2029-cu ilin yayına qədər “Qarabağ”da çıxış edəcək. O, klubda 7 nömrəli formanı geyinəcək.
Jalinin son klubu Kipr təmsilçisi “Omoniya” (Aradippou) olub. O, karyerası ərzində Fransada “Lill” və “Anje”nin B komandalarında, həmçinin “Avranş”da, Rumıniyada “Botoşani”də çıxış edib.
Muaddib Fransanın U-19 milli komandasının formasını geyinib.
