“Xankəndi şəhərinin Baş planı hazırlanır”.
Musavat.com-un əməkdaşı xəbər verir ki, bunu “Münaqişədən sonra şəhərsalma: Məhv edilmiş kimliyin bərpası və inteqrasiya olunmuş gələcəyin yenidən qurulması” mövzusunda tədbirdə Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi Elçin Yusubov deyib.
Xüsusi nümayəndənin sözlərinə görə, sonrakı mərhələdə daha əsaslı tikintilər həyata keçiriləcək:
“Şəhər hazırda 62 min əhalinin məskunlaşması üçün uyğundur. Tikinti başa çatdırıldıqdan sonra şəhər 80 minlik olacaq. Yaşıllıq və istirahət parklarına üstünlük veriləcək”.
Elçin Yusubov vurğulayıb ki, Xankəndi mötəbər tədbirlərə ev sahibliyi edir.
Nigar Həsənli
Musavat.com
