BAKI, 19 may. TELEQRAF
Mənzil təminatı məsələsində maliyyə, təchizat, infrastruktur və inkişaf sənayesinin yaxşılaşdırılması mühüm məsələlərdəndir.
Teleqraf xəbər verir ki, bunu Şəhər, Submilli Maliyyə, Turizm və Fəlakətlərin İdarə Edilməsi üzrə Qlobal Direktor Ming Zhang WUF13 çərçivəsində keçirilən "Qlobal Koalisiyaların Mərkəzində Mənzil" tədbirində deyib.
O bildirib ki, bunun üçün birlikdə çalışmaq lazımdır.
"Bərabər maliyyələşdirmə çox vacibdir. Hətta mövzunun mərkəzində dayanan bir məsələdir. İmtiyazlı məskunlaşma proqramı üzərində işləyirik və icra edirik. Bu proqram önəmli rol oynayır. 40 milyona yaxın maliyyələşmənin cəlb edilməsinə kömək edib", - o vurğulayıb.
