Modern.az portalından əldə olunan məlumata əsasən, ain.az xəbər verir.
2025-ci ildə Azərbaycanda 1412 nikah pozulub, 20675 boşanma qeydə alınıb. Həm nikahların pozulması, həm də boşanma sayına görə Bakı şəhəri ilk sırada qərarlaşıb.
Modern.az-ın məlumatına görə, məsələ Milli Məclisinin Ailə, qadın və uşaq məsələləri komitəsinin bugünkü iclasında müzakirə olunan Azərbaycan Respublikasının Ailə, Qadın və Uşaq Problemləri üzrə Dövlət Komitəsinin 2025-ci il üzrə Məlumatında əksini tapıb.
Hesabata əsasən, 2025-ci ildə Bakı şəhərində 360 nikah pozulub, 6307 boşanma qeydə alınıb.
Boşanma sayına görə növbəti yerlərdə Qarabağ iqtisadi rayonu (1590), Abşeron-Xızı iqtisadi rayonu (1504), Mərkəzi Aran iqtisadi rayonu (1442), Gəncə-Daşkəsən iqtisadi rayonu (1374) və Lənkəran-Astara iqtisadi rayonu (1292) qərarlaşıb.
Nikahların pozulması üzrə isə Lənkəran-Astara iqtisadi rayonu 223 faktla ikinci, Mil-Muğan iqtisadi rayonu 171 faktla üçüncü olub. Abşeron-Xızı iqtisadi rayonunda 122, Şirvan-Salyan iqtisadi rayonunda 105, Mərkəzi Aran iqtisadi rayonunda isə 97 nikah pozulub.
Qeyd olunub ki, Şəki-Zaqatala iqtisadi rayonunda 15, Qazax-Tovuz iqtisadi rayonunda 19, Naxçıvan Muxtar Respublikasında isə 10 nikah pozulması qeydə alınıb.
Hesabatda bildirilib ki, ən az nikah pozulması Şərqi Zəngəzur iqtisadi rayonunda olub. Bölgədə ötən il cəmi 5 belə hal qeydə alınıb.
Sənədə əsasən, 2025-ci ildə Dağlıq Şirvan iqtisadi rayonunda 577, Quba-Xaçmaz iqtisadi rayonunda 922, Şirvan-Salyan iqtisadi rayonunda 922 boşanma qeydə alınıb. Naxçıvan Muxtar Respublikasında isə 889 boşanma rəsmiləşdirilib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
