Bizimyol saytından alınan məlumata görə, ain.az bildirir.
Azərbaycanın azad edilmiş ərazilərində həyata keçirilən yenidənqurma və bərpa işləri uzunmüddətli regional sabitliyə və dayanıqlı inkişafa mühüm töhfə verir. Hazırda 80 mindən çox insan həmin ərazilərə qayıdaraq yaşamağa, təhsil almağa və işləməyə başlayıb.
Bizimyol.info xəbər verir ki, bu barədə Azərbaycan Respublikasının Dövlət Şəhərsalma və Arxitektura Komitəsinin sədri Anar Quliyev bildirib.
Onun sözlərinə görə, azad edilmiş ərazilər yaşıl, ağıllı və təhlükəsiz yaşayış məntəqələri kimi inkişaf etdirilir. Burada bərpa olunan enerji mənbələri, dayanıqlı nəqliyyat sistemləri, rəqəmsal idarəetmə, ekoloji cəhətdən təmiz infrastruktur, eləcə də “ağıllı şəhər” və “ağıllı kənd” konsepsiyaları tətbiq olunur.
Anar Quliyev qeyd edib ki, Azərbaycan dayanıqlı inkişaf və iqlim fəaliyyəti istiqamətində beynəlxalq əməkdaşlığın gücləndirilməsinə yönəlmiş təşəbbüslərdə də fəal iştirak edir. O, COP29 çərçivəsində irəli sürülən Bakı İnsan İnkişafı Təşəbbüsünü xüsusi vurğulayaraq bildirib ki, bu platforma urbanizasiya prosesinə inteqrasiya olunmuş yanaşmanı təşviq edir və iqlim fəaliyyəti, məkan bərabərliyi ilə sosial inklüzivliyi bir araya gətirir.
Komitə sədri həmçinin COP29 zamanı təqdim olunan “Davamlı və Sağlam Şəhərlər” çoxtərəfli fəaliyyət platforması — MAP Initiative barədə də məlumat verib.
Leyla Mirzə, Bizimyol.info
Ən son xəbərləri və yenilikləri almaq üçün ain.az saytını izləyin.
