ABŞ İranla bağlı münaqişədə diplomatiyaya gələn həftənin əvvəlinə qədər şans verməyə və hərbi əməliyyatların bərpasını həmin vaxta qədər təxirə salmağa hazırdır.
Sitat.info xəbər verir ki, bu barədə ABŞ Prezidenti Donald Tramp bildirib.
"İki və ya üç gündən danışıram. Ola bilsin ki, cümə, şənbə, bazar. Ola bilsin ki, gələn həftənin əvvəlində. Məhdud müddət. Çünki onlar nüvə silahına sahib ola bilməzlər", - deyə o bildirib.
Qeyd edək ki, bazar ertəsi günü Amerika lideri Tehranla razılığa gəlmək ehtimalını əsas gətirərək Qətər, BƏƏ və Səudiyyə Ərəbistanının xahişi ilə İrana qarşı hərbi əməliyyatların bərpasını təxirə salmaq qərarına gəldiyini açıqlayıb.
