ABŞ dövlət katibi Marko Rubio mayın 22-də İsveçin Helsinqborq şəhərində NATO ölkələrinin xarici işlər nazirlərinin görüşündə iştirak edəcək.
Moderator.az Dövlət Departamentinə istinadən xəbər verir ki, o, həmçinin bir sıra dövlətlərin nümayəndələri ilə Arktikada təhlükəsizlik məsələlərini müzakirə edəcək.
Qeyd olunur ki, Rubio NATO ölkələrindən olan həmkarları ilə müdafiəyə investisiyaların artırılmasının və alyansda yükün daha çox bölüşdürülməsinin zəruriliyini müzakirə edəcək. O, həmçinin Danimarka, İslandiya, Kanada, Norveç, Finlandiya və İsveç nümayəndələri ilə Arktikada iqtisadiyyat və təhlükəsizlik sahələrindəki ümumi maraqlar və Uzaq Şimalda mövcudluğun gücləndirilməsi barədə danışacaq.
ABŞ dövlət katibi, həmçinin İsveçin Baş naziri Ulf Kristersson və NATO-nun Baş katibi Mark Rutte ilə ikitərəfli görüşlər keçirəcək.
