Atəşkəsə baxmayaraq, bu gün Livanın cənubunda İsrailin hava hücumları nəticəsində ölənlərin sayı 21-ə çatıb.
Turkustan.az xəbər verir ki, 17 apreldə qüvvəyə minən və 17 may tarixindən etibarən 45 gün uzadılan atəşkəsə baxmayaraq, İsrail ordusu Livana hücumlarını davam etdirir.
Livanın rəsmi xəbər agentliyi NNA-nın məlumatına görə, İsrail döyüş təyyarələri Tir əyalətinin Deyr Qanun ən-Nəhr qəsəbəsini hədəfə alıb.
Səhiyyə Nazirliyi ilkin qiymətləndirmələrə görə, Deyr Qan əl-Nəhrə hücum nəticəsində 3-ü uşaq, 3-ü qadın olmaqla 10 nəfərin həyatını itirdiyini və 3 nəfərin yaralandığını bildirib.
Nazirliyin digər açıqlamasında deyilir ki, Nəbatiyyə şəhər mərkəzinə edilən hücumda dörd nəfər, şəhərin bir hissəsi olan Kafer Sir şəhərində isə daha beş nəfər həlak olub.
İsrail ordusunun həmçinin Tir bölgəsindəki Hanavay şəhərinə hava hücumu həyata keçirdiyi və bir evin hədəfə alınması nəticəsində iki nəfərin yaralandığı bildirilir.
Aytən Yaşar/ Turkustan.az
