Bakı-Tbilisi-Bakı marşrutu üzrə qatarlara birtərəfli biletlərin qiyməti açıqlanıb.
Senzor.az bildirir ki, bununla bağlı “Azərbaycan Dəmir Yolları” QSC (ADY) məlumat yayıb.
Qeyd olunub ki, marşrut üzrə səyahət tarifləri aşağıdakı qiymətlərdən başlayır:
- Bakı-Tbilisi: 81 AZN-dən;
- Yevlax-Tbilisi: 67 AZN-dən;
- Gəncə-Tbilisi: 62 AZN-dən;
- Ağstafa-Tbilisi: 57 AZN-dən;
- Böyük Kəsik-Qardabani: 51 AZN-dən.
Qeyd edək ki, Bakı-Tbilisi-Bakı marşrutu üzrə səfərlər mayın 26-dan başlayacaq və müasir “Stadler” qatarları ilə həyata keçiriləcək.
Onu da xatırladaq ki, ilkin razılaşmaya əsasən, qatarlar hər gün Bakıdan saat 23:10-da yola düşəcək və növbəti gün saat 08:41-də Tblisiyə çatacaq, Tbilisidən isə saat 21:00-da yola düşməklə növbəti gün Bakıya saat 06:24-də çatacaq.
