ABŞ Silahlı Qüvvələrinin Mərkəzi Komandanlığının məsuliyyət zonasına daxil olan Yaxın Şərq, Mərkəzi Asiya və Şərqi Afrikada fəaliyyət göstərən iki ABŞ esminesinin lazer qurğuları ilə təchiz olunduğu bildirilib.
Bizim.Media xəbər verir ki, bu barədə The War Zone portalı məlumat yayıb.
USS Spruance esminesi “Abraham Lincoln” aviadaşıyıcı zərbə qrupunun tərkibində fəaliyyət göstərir.
Digər esmines — USS John Finn isə hazırda Hind okeanında döyüş növbətçiliyi həyata keçirir.
Qeyd olunur ki, lazer sistemləri pilotsuz uçuş aparatları və digər hava təhdidlərinə qarşı müdafiə imkanlarının gücləndirilməsi məqsədilə quraşdırılıb.
Bizim.Media
