.jpg)
BAKI, 21 may. TELEQRAF
Şəhərlərin bir-biri ilə tərəfdaşlaşdırılması konsepsiyası son dərəcə vacibdir.
Teleqraf xəbər verir ki, bunu Hindistandan NIUA direktoru Dr. Debolina Kundu Bakıda keçirilən WUF13 çərçivəsində təşkil edilən "DİM-lər üçün boşluğun aradan qaldırılması Fəaliyyətdə Şəhərlərin Yerli İqlim Həllərini Sürətləndirməsi" tədbirində çıxışı zamanı deyib.
O bildirib ki, Hindistanda idarəetmə sistemi hələ də kənd yönümlüdür.
"Kənddən şəhərə keçid çox böyük miqyasda baş verir. Bu keçid mərhələsi, istər “şəhərəqədərki”, istərsə də “yarımşəhər" gündən-günə genişlənir. Məsələ sadəcə çoxlu kənd sakinlərinin şəhərlərə köçməsi deyil, əslində bütün kənd əraziləri şəhərləşir.
Keçid mərhələsində olan orta və kiçik şəhərlərin, həmçinin siyahıyaalma şəhərlərinin daha çox dəstəyə ehtiyacı var", - o vurğulayıb.
Onun sözlərinə görə, Hindistanda həm şəhərlər, həm də iqlim sahəsində fəaliyyətlər həyata keçirilir.
"Hazırda 18 şəhərdə həyata keçirilən “Cities 2.0” proqramımız var. Bu proqram Fransa-Almaniya inkişaf təşkilatı DFW, Avropa İttifaqı və Hindistan hökumətinin birgə təşəbbüsüdür. Proqram vasitəsilə biz iqlim müşahidə mərkəzləri və iqlim bölmələri yaratmağa çalışırıq. Yəni, ştat səviyyəsində iqlim müşahidə mərkəzləri, şəhər səviyyəsində isə iqlim bölmələri yaradılır. Eyni zamanda məlumat müşahidə sistemlərini birləşdirərək, yerində həyata keçirilən müdaxilələrin iqlim baxımından hansı təsirlərə malik olduğunu anlamağa çalışırıq. Çünki əgər biz indi də ekoloji baxımdan dayanıqsız infrastrukturlar yaratmağa davam etsək, vəziyyət daha da pisləşəcək. Buna görə də etdiyimiz hər bir işə yaşıl yanaşmanı və "xalis sıfır emissiya" prinsipini necə daxil edə biləcəyimizi düşünməliyik. Bu çox vacibdir. Hindistan hökuməti də bunu qəbul edib. Hazırda biz bu istiqamətdə çalışırıq. Bundan əlavə, mənzil və yaşayış mühiti üzrə ictimai siyasət mərkəzi də fəaliyyət göstərir", - o vurğulayıb.
