Marja.az portalından əldə olunan məlumata əsasən, ain.az xəbər verir.
Samsung Electronics-də həmkarlar ittifaqı ilə şirkət arasında əməkhaqqı danışıqlarının nəticəsiz qalması 47 mindən çox əməkdaşın iştirak etdiyi genişmiqyaslı tətil prosesinə səbəb olmuşdu.
Marja xəbər verir ki, Samsung Electronics Co. tətilin qarşısını almaq üçün həmkarlar ittifaqı ilə son anda razılığa gəlib. Şirkət bu il çip istehsalı bölməsində çalışanlara təxminən 40 trilyon von həcmində bonus verəcək.
VTB-də minimal faiz dərəcəsi ilə nağd kredit 9.9%-dən
Samsung-un yarımkeçirici bölməsində ümumilikdə 78 min nəfər çalışır. Müxtəlif bölmələrdə çalışan əməkdaşlara fərqli səviyyələrdə bonus veriləcək, lakin Bloomberg-in təklif olunan şərtlər və 2026-cı il əməliyyat mənfəəti proqnozlarına əsasən apardığı hesablamalara görə, əməkdaşlar orta hesabla 513 milyon von (340 min dollar) alacaqlar. Şirkətin mart ayında verdiyi açıqlamaya görə, Samsung əməkdaşları 2025-ci ildə orta hesabla 158 milyon von qazanıb.
Hələ həmkarlar ittifaqı üzvlərinin təsdiqini almayan müvəqqəti razılaşmaya əsasən, Samsung mənfəətinin 10,5 faizini səhm şəklində, 1,5 faizini isə nağd bonus kimi paylamağa razılaşıb. Yeni bonus proqramı müəyyən mənfəət hədəflərinə çatılması şərti ilə 10 il ərzində hər il davam edəcək. Analitiklər Samsung-un 2026-cı ildə əməliyyat mənfəətinin yeddi dəfə artaraq təxminən 333 trilyon vona çatacağını proqnozlaşdırırlar.
Bu addım ötən il də bonus ödənişi ilə bağlı razılığa gələn Cənubi Koreyalı rəqib SK Hynix-in addımından sonra atılıb. Bonusun məbləği əsasən Samsung-un gəlirlərindən və çiplərə olan tələbdən asılı olacaq.
Hadisənin gedişatını izləmək üçün ain.az saytında ən son yeniliklərə baxın.
