Yeniavaz saytından verilən məlumata görə, ain.az xəbər verir.
Portuqaliyalı mütəxəssis Xorxe Jesus komandanın Səudiyyə Ərəbistanı çempionatında qələbəsindən sonra “Əl-Nəsr” futbol klubunun baş məşqçisi vəzifəsindən istefa verdiyini elan edib.
Yeniavaz.com xəbər verir ki, bu barədə B24 portalı məlumat yayıb.
“Bu qələbə ilk növbədə Kriştianu üçündür. Mən bu çağırışı yalnız ona “Sənin çempion olmağına kömək edəcəyəm, biz titul qazanacağıq, sonra isə mən gedəcəyəm” dediyim üçün qəbul etdim”, - deyə Jesus bildirib.
“Bundan sonra hara gedəcəyəm? Bəlkə də, “Fənərbağça” ilə yarımçıq qalmış və tamamlanmalı olan bir hekayəm var”, - portuqaliyalı mütəxəssis əlavə edib.
Qeyd edək ki, 71 yaşlı Jesus 2025-ci ilin iyul ayından bəri “Əl-Nəsr”ə rəhbərlik edir. O, 2023-cü ildən 2025-ci ilə qədər Səudiyyə Ərəbistanının “Əl-Hilal” klubunda işləyib, həmçinin, 2018-ci ildən 2019-cu ilə qədər kluba rəhbərlik edib. Onun rəhbərliyi altında komanda üç dəfə Səudiyyə Super Kubokunu, həmçinin, Səudiyyə Çempionatını və Səudiyyə Kubokunu qazanıb.
Bundan əvvəl o, Portuqaliya “Benfika”sının baş məşqçisi olub və onunla birlikdə üç dəfə ölkə çempionu (2010, 2014, 2015) olub. Jesus həmçinin, “Benfika” ilə Portuqaliya Kubokunun (2014) və Super Kubokunun (2010, 2011, 2012, 2014, 2015) sahibi olub. Bundan başqa, Jesus Braziliyanın “Flamenqo”, Türkiyənin “Fənərbağça” və Portuqaliyanın “Sportinq”, “Braqa”, “Belenenseş”, “Moreyrense” və “Vitoriya Gimaraynş” klublarına da rəhbərlik edib.
Onu da bildirək ki, “Fənərbağça”da növbəti ay prezident seçkiləri keçiriləcək. Ən iddialı namizəd, həmçinin klubun sabiq prezidenti Əziz Yıldırım seçiləcəyi təqdirdə Xorxe Jesusla çalışmaq fikrində olduğunu bəyan edib.
Sonrakı hadisələr barədə daha çox məlumat almaq üçün ain.az saytını izləyin.
