ain.az, Sherg.az saytına istinadən bildirir.
Birinci Qarabağ müharibəsinin itkin şəhidlərindən olan Rəşadət Əli oğlu Piriyevin nəşi uzun illərdən sonra ailəsinə təhvil verilib.
Teleqraf-ın Qarabağ bürosunun xəbərinə görə, şəhidin nəşi 2025-ci ildə döyüş yoldaşlarının iştirakı ilə aparılan axtarışlar zamanı onun şəhid olduğu ərazidə aşkarlanıb.
Rəşadət Piriyev 1 oktyabr 1973-cü ildə Bərdə rayonunun Yeni Daşkənd kəndində anadan olub. 1992-ci ildən 701 saylı hərbi hissənin 5-ci Bərdə taborunda xidmət edib. O, Kəlbəcər, Laçın, Ağdam və Ağdərə istiqamətlərində gedən ağır döyüşlərdə iştirak edib. Döyüşlər zamanı həm rabitəçi-operator, həm də hərbi texnikanın zərərsizləşdirilməsi üzrə əməliyyatçı kimi xidmət göstərib.
Rəşadət Piriyev 11 fevral 1994-cü ildə Kəlbəcər rayonunun Yanşaq kəndi və Qızılqaya istiqamətində gedən döyüşlər zamanı şəhidlik zirvəsinə ucalıb.
Rəsmi məlumatlara əsasən, o, bu günə qədər itkin hesab olunurdu.
Sonrakı hadisələr barədə daha çox məlumat almaq üçün ain.az saytını izləyin.
