Sosial şəbəkələrdə yayılan görüntülər geniş müzakirələrə səbəb olub.
Bakıvaxtı.az xəbər verir ki, paylaşılan videoda hədiyyə bağlamasının içindən çıxan qəribə əşyalar izləyicilərin diqqətini çəkib.
İddialara görə, bağlamanın içində gizlədildiyi deyilən "cadu" ana ilə övlad arasında münasibətlərin pozulmasına səbəb olub. Videoda nümayiş etdirilən əşyalar sosial media istifadəçiləri arasında maraq və təəccüb doğurub.
Görüntüləri paylaşan şəxslər həmin bağlamanın xüsusi niyyətlə hazırlandığını iddia ediblər. Bəzi istifadəçilər bunun insanların inancından istifadə etmək məqsədi daşıdığını düşünür, digərləri isə hadisənin həqiqiliyini müzakirə edir.
Sosial şəbəkələrdə yayılan video qısa müddətdə minlərlə baxış toplayıb. İzləyicilər arasında "cadunun təsiri", "ailədaxili münasibətlərə təsir" kimi mövzular ətrafında müxtəlif fikirlər səsləndirilib.
Mütəxəssislər isə bu kimi iddialara ehtiyatla yanaşmağı, ailə problemlərinin səbəblərini daha real və psixoloji aspektlərdən qiymətləndirməyin vacib olduğunu bildirirlər. Video sosial şəbəkədə ən çox müzakirə olunan paylaşımlardan olub./Milli.az
