Nazirlər Kabineti “İstehsalatda bədbəxt hadisələr və peşə xəstəlikləri nəticəsində zərər çəkmiş sığorta olunanın peşə əmək qabiliyyətinin itirilməsi dərəcəsinin müəyyən edilməsi Qaydası”nı təsdiqləyib, eyni zamanda “Əlilliyin qiymətləndirilməsi Qaydası”na dəyişiklik edib.
Yeni sənədə əsasən, istehsalatda baş vermiş bədbəxt hadisələr və ya peşə xəstəlikləri nəticəsində zərər çəkmiş sığorta olunan şəxslərin peşə əmək qabiliyyətinin itirilməsi dərəcəsinin müəyyən edilməsinin qaydaları təsdiqlənib.
Deputat Vüqar Bayramov yeni qaydaların əlilliyin qiymətləndirilməsi prosesində hansı dəyişiklikləri gətirəcəyindən bəhs edib.
O bildirib ki, peşə əmək qabiliyyətinin itirilməsi dərəcəsi ilkin dəfə müəyyən edilən zaman xəstəlik və ya zədə, eləcə də həmin zədə ilə əlaqədar yaranmış çatışmazlığın səbəb əlaqəsini təsdiq edən sənədlərin siyahısı konkretləşdirilib : “
Bununla yanaşı, “peşə əmək qabiliyyətinin itirilməsi dərəcəsi (faizlə)” ilə orqanizmin funksiyalarının pozulması faizinin peşələr üzrə təzahür dərəcəsi və sığorta olunanın yaşına uyğun hesablanması mexanizmi də müəyyən edilib. Bu məqsədlə xüsusi düstur təsdiq olunub.
Dəyişikliklər əlilliyin müəyyənləşdirilməsi ilə bağlı müddətləri də konkretləşdirir. Belə ki, komissiya peşə əmək qabiliyyətinin itirilməsi dərəcəsinin müəyyən edilməsinə dair qiymətləndirmənin aparıldığı gün qərar qəbul etməli, əlavə araşdırma tələb olunduğu hallarda isə bu qərar ən geci 5 iş günü ərzində qəbul edilərək protokolla rəsmiləşdirilməlidir”.
Qeyd olunub ki, kağız daşıyıcıda qəbul edilən qərar 3 iş günü ərzində MEİS-in “Əlillik” altsisteminə daxil edilmədən sığortalıya təqdim olunmalı, eyni zamanda qərarın elektron sistemə daxil edilməsi də təmin edilməlidir: “
Yeni qaydalara əsasən, peşə əmək qabiliyyətinin itirilməsi dərəcəsinin müəyyən edilməsi məqsədilə qiymətləndirmə aparılarkən orqanizmin funksiyalarının 30 faizə qədər və bu göstəricidən daha çox pozulması halları fərqli meyarlar əsasında qiymətləndiriləcək.
Bütövlükdə, yeni sənəd istehsalatda bədbəxt hadisələr və peşə xəstəlikləri nəticəsində zərər çəkmiş sığorta olunanların peşə əmək qabiliyyətinin itirilməsi dərəcəsinin müəyyənləşdirilməsi mexanizmini tənzimləyir.
Eyni zamanda, əlillik təyinatı prosesinin elektronlaşdırılmasının daha da dərinləşdirilməsi, xüsusilə süni intellektdən istifadənin genişləndirilməsi də prioritet istiqamətlərdən biri olaraq qalır”.
