Hindistanda timsah dəfn mərasimi keçirən kişini çaya sürükləyib.
Hindistanda timsah qayınanası üçün dəfn tonqalının yandırılmasına kömək edən 30 yaşlı kişini çaya sürükləyib.
Qaziler.az bildirir ki, bu barədə "India Today" məlumat yayıb.
Faciəvi hadisə Uttar Pradeş ştatının Umri kəndində baş verib. Böyük Noida sakini Dipak Şarma qayınanası Urmila Devinin dəfn mərasimində iştirak edirdi. Sarya çayının sahilində çuxur qazmağa və dəfn tonqalının yandırılmasına kömək etdikdən sonra o, suya girməyə gedib.
Şahidlər ona çaya girməməyi məsləhət görüblər, lakin Şarma xəbərdarlıqlara məhəl qoymayıb. Bir neçə saniyə sonra sudan bir timsah çıxıb, onu başından tutub dərinliyə sürükləyib. Yerli sakinlər və qayıqçılar dərhal axtarışa başlayıblar, lakin axşama qədər cəsəd tapılmayıb.
QAZİLER.AZ
