ain.az bildirir, Azertag portalına istinadən.
Bakı, 28 may, AZƏRTAC
Dünya Pauerliftinq Konqresinin (WPC) Azərbaycan üzrə rəsmi nümayəndəsi, beynəlxalq dərəcəli hakim Zaur Cəfərov İrlandiyada keçiriləcək WPC/AWPC Avropa çempionatına baş hakim təyin olunub.
AZƏRTAC xəbər verir ki, yarış iyunun 1-dən 6-dək İrlandiyanın Limerik şəhərində təşkil olunacaq.
Zaur Cəfərov iyunun 1-dən 5-dək qitə birinciliyinin ən məsuliyyətli görüşlərini idarə edəcək. O, iyunun 6-da isə hakimlik fəaliyyətini idmançı kimi çıxışla əvəz edərək Avropa çempionatında Azərbaycanı təmsil edəcək və medallar uğrunda mübarizə aparacaq.
Mötəbər turnirdə ölkəmizi WPC Azərbaycan yığmasının tərkibində daha iki idmançı da təmsil edəcək. AWPC versiyası üzrə Elmir Tarverdiyev yerdən qoparma (deadlift), Orxan Fərzəliyev isə üç növçülük (classic raw powerlifting) yarışlarında çıxış edəcək.
Hadisənin gedişatını izləmək üçün ain.az saytında ən son yeniliklərə baxın.
