Pekin, 28 may, AZƏRTAC
Çinin mərkəzi bankı olan Xalq Bankı Serbiya Milli Bankı ilə ikitərəfli valyuta mübadiləsi müqaviləsini yeniləyib.
AZƏRTAC Çin Xalq Bankının açıqlamasına istinadla xəbər verir ki, svop müqaviləsinin dəyəri ilkin 1,5 milyard yuandan (təxminən 220 milyon dollar) 5 milyard yuana qədər artırılıb. Müqavilə 5 il müddətinə qüvvədə olacaq və qarşılıqlı razılıq əsasında yenilənə bilər.
Bankın açıqlamasında deyilir ki, valyuta mübadiləsi müqaviləsinin yenilənməsi, genişləndirilməsi iki ölkə arasında pul, maliyyə əməkdaşlığının gücləndirilməsinə, ikitərəfli ticarət, investisiyaların asanlaşdırılmasına və maliyyə bazarının sabitliyinin qorunmasına kömək edəcək.
Şahin Cəfərov
AZƏRTAC-ın xüsusi müxbiri
Pekin
