BAKI, 28 may. TELEQRAF
Minifutbol üzrə Azərbaycan millisi Slovakiyada keçirilən Avropa çempionatında ilk oyununa çıxıb.
Teleqraf xəbər verir ki, F qrupunda yer alan Elşad Quliyevin rəhbərlik etdiyi komanda Avstriya yığması ilə üz-üzə gəlib.
“Tipos Arena”da keçirilən qarşılaşma Azərbaycan millisinin 1:0 hesablı qələbəsi ilə başa çatıb.
Millimizin yeganə qolunu 36-cı dəqiqədə İsa Atayev vurub.
Qeyd edək ki, Azərbaycan millisi mayın 29-da İtaliya, 30-da isə Fransa ilə qarşılaşacaq.
