"Azfinans" MMC bank olmayan kredit təşkilatı (BOKT) 2025-ci ili 73 min manat zərərlə başa vurub.
"Far.Az" BOKT-un maliyyə hesabatına istinadən xəbər verir ki, bu, 2024-cü ilə nisbətən 87,2 % çoxdur.
Bu il yanvarın 1-nə "AzFinans"ın aktivləri 1,511 milyon manat olub ki, bu da illik müqayisədə 4,8 dəfə çoxdur. Bunun 774 min manat müştərilərə verilmiş kreditlərdir. 2025-ci ildə BOKT-un kredit portfeli 2,5 dəfə böyüyüb.
Hesabat dövründə "Azfinans"ın öhdəlikləri 6,15 dəfə artaraq 320 min manata, balans kapitalı isə 4,5 dəfə artaraq 1,191 milyon manata çatıb.
Xatırladaq ki, "Azfinans" BOKT 2021-ci ildə yaradılıb. Onun nizamnamə kapitalı 300 min manatdır. BOKT-un təsisçiləri 70 % payla Fidan Axundova və 30 % payla Orxan Məmmədovdur.
