Millimiz İtaliyaya qalib gəldi, pley-offa vəsiqə qazandı

Bu gün minifutbol üzrə millimiz Slovakiyada keçirilən AÇ-2026-nın F qrupunda ikinci oyununa çıxıb.

"Football-plus.az" xəbər verir ki, Elşad Quliyevin rəhbərlik etdiyi komanda İtaliya yığması ilə qarşılaşıb. Görüş yığmamızın 3:0 hesablı qələbəsi ilə başa çatıb. Komandanın heyətində Rəvan Kərimov, Vüsal İsayev və Ruzigar İbrahimzadə fərqləniblər.

Yığmamız ilk turda Avstriyanı üstələmişdi. İtaliya isə Fransa ilə qolsuz heç-heçə edib. Beləliklə, millimiz pley-offa vəsiqəni təmin edib.

Yığmamız qrupdakı növbəti oyununu mayın 30-da Fransaya qarşı keçirəcək.