Güclü külək nəticəsində Bakıda 41 ağac sınıb

BAKI, 30 may. TELEQRAF

Dünən axşam saatlarından davam edən güclü külək nəticəsində Bakıda 41 ağac sınıb.

Bu barədə Bakı şəhər Yaşıllaşdırma Təsərrüfatı Birliyindən Teleqraf-ın sorğusuna cavab olaraq məlumat verilib.

Bildirlib ki, bu gün saat 10:00-a olan məlumata görə, 64 ağacın budaqlarının qırılması qeydə alınıb.

"Qurumun əməkdaşları tərəfindən operativ şəkildə sınan ağacların götürülməsi və ərazinin təmizlənməsi işləri aparılır. Hazırda işlər davam edir", - məlumatda vurğulanıb.

• Güclü Külək
• Sınıb
• Yaşıllaşdırma Təsərrüfatı
• Bakıda Ağaclar