İran dünya çempionatı öncəsi yoldaşlıq oyunu keçirib.
Fanat.Az xəbər verir ki, sözügedən yığma Qambiya ilə gücünü sınayıb.
Tərəflər Türkiyənin Antalya şəhərindəki "Mardan Palace" stadionunda üz-üzə gəliblər. Yerli hakim Atilla Karaoğlanın idarə etdiyi matç İran millisinin 3:1 hesablı qələbəsi ilə başa çatıb. Hesabı 42-ci dəqiqədə qambiyalı Ömər Kolli açsa da, cənub qonşumuz əzmkar qələbə qazanmağı bacarıb. Ariya Yusifi 47-ci dəqiqədə bərabərliyi təmin edib, Ramin Rezaiyan 59-cu dəqiqədə komandasını önə keçirib, Mehdi Taremi isə 68-ci dəqiqədə yekun nəticəni müəyyənləşdirib.
Qeyd edək ki, ABŞ, Kanada və Meksikada keçiriləcək DÇ-2026-nın G qrupunda yer alan İranın rəqibləri Yeni Zelandiya, Belçika və Misir olacaq.
