Futbol üzrə Dünya çempionatına hazırlaşan İran yığma komandası viza prosedurları ilə bağlı FIFA-nın cavabını gözləyir.
AZƏRTAC xarici mediaya istinadla xəbər verir ki, İran Futbol Federasiyasının birinci vitse-prezidenti Mehdi Məhəmməd Nəbi yğma komandaya həm ABŞ, həm də Meksikaya səyahət üçün çoxdəfəlik vizaların verilməsinə dair müraciətlərinə FIFA-dan bu həftə cavab alacaqlarını bildirib.
İran və Qambiya milli komandaları arasında Antalyada keçirilən yoldaşlıq oyunundan sonra jurnalistlərə açıqlama verən Nəbi bildirib ki, bir həftə ərzində Meksikaya getməlidirlər. Lakin, FIFA-ya edilən müraciətə hələ cavab verilməyib.
Qeyd edək ki, futbol üzrə Dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.
