Bakı, 30 may, AZƏRTAC
İngiltərənin “Liverpul” komandası baş məşqçisi Arne Slotla yollarını ayırıb.
AZƏRTAC klubun rəsmi saytına istinadən xəbər verir ki, niderlandlı mütəxəssislə əməkdaşlığa qarşılıqlı razılıq əsasında son qoyulub.
Mersisayd təmsilçisi artıq yeni baş məşqçi axtarışlarına start verildiyini açıqlayıb.
Qeyd edək ki, 2024-cü ilin yayından “Liverpul”a başçılıq edən Arne Slot fəaliyyəti dövründə komandaya İngiltərə çempionluğunu qazandırıb. “Qırmızılar” başa çatan mövsümdə isə 60 xalla 5-ci yeri tutub.
